'ರಿಯಾಲಿಟಿ ಶೋ' ಎಂಬ 'ವಾಸ್ತವ ಬದುಕಿನ ಚಿತ್ರಣ' ನೀಡುವ ಕಾರ್ಯಕ್ರಮಗಳು ಟಿವಿಯಲ್ಲಿ ಪ್ರಸಾರವಾಗಲಿವೆ ಎಂದಾಗ ಅಲ್ಲಿ ಮನುಷ್ಯನ ನಿಜವಾದ ಮುಖ ಕಾಣುತ್ತದೆ ಎಂದು ಕೆಲವರಾದರೂ ಅಂದುಕೊಂಡಿರಬಹುದು. . ಆದರೆ ಇಂದು ರಿಯಾಲಿಟಿ ಶೋ ಎನ್ನುವುದು ಕೇವಲ ಟಿವಿಯಲ್ಲಿ ಪ್ರಸಾರವಾಗುವ ಕಾರ್ಯಕ್ರಮ ಮಾತ್ರವೇ ಆಗಿಉಳಿದಿಲ್ಲ, ಅದರ ಹಿಂದು ಮುಂದಿನ ನಾಟಕಗಳೂ (ಕ್ಷಮಿಸಿ, ಘಟನೆಗಳೂ) ಅದರಲ್ಲಿ ಸೇರಿರುತ್ತವೆ. ಸೂಕ್ಷ್ಮವಾಗಿ ಗಮನಿಸಿದರೆ ಈ ಜನಗಳ ಮುಖ ಕಾಣಿಸದಿದ್ದರೂ ಮುಖವಾಡಗಳಂತೂ ಸ್ಪಷ್ಟವಾಗಿ ಕಾಣುತ್ತವೆ.
ಉದಾಹರಣೆಗೆ 'ಬಿಗ್ ಬ್ರದರ್'ನ ಶಿಲ್ಪಶೆಟ್ಟಿ ಮತ್ತು ಜೇಡ್ ಗೂಡಿ ಪ್ರಸಂಗ. ಜೇಡ್ ಗೂಡಿ ಕಾರ್ಯಕ್ರಮದಲ್ಲಿ ಶಿಲ್ಪಳನ್ನು ಮೂದಲಿಸಿದ್ದಕ್ಕೆ ಶಿಲ್ಪ ಕಾರ್ಯಕ್ರಮದ ಹೊರಗೂ ಅತ್ತಳು. ಹಾಗೆ ಅತ್ತಿದ್ದಕ್ಕೆ ಗೆಲುವಿನ ಬಹುಮಾನ ಕಾರ್ಯಕ್ರಮದಲ್ಲಿ ಸಿಕ್ಕಿತು. (ಹೊರಗಡೆಯೂ ಸಿಗುತ್ತಿದೆ!) ಜೇಡ್ ಗೂಡಿ ಕಾರ್ಯಕ್ರಮದಾಚೆಯೂ ಖಳನಾಯಕಿಯಾದಳು. ಜತೆಗೇ ಪ್ರಚಾರವೂ ಹೆಚ್ಚಿ ಅವಳ ಪಾತ್ರದ ಬೆಲೆಯೂ ಹೆಚ್ಚಾಯಿತು. ಈಗ ಅದೆಲ್ಲಾ ಫ್ಲಾಶ್‌ಬ್ಯಾಕ್.
ಆ ಖಳನಾಯಕಿಗೀಗ ಕ್ಯಾನ್ಸರ್. ಸಾವು ಬದುಕಿನ ಮಧ್ಯದಲ್ಲಿ ಗೂಡಿ ಇದ್ದಾಳೆ. ಈಗಲೂ ಒಂದು ರಿಯಾಲಿಟಿ ಶೋನಲ್ಲಿ ಭಾಗವಹಿಸುತ್ತಿದ್ದಾಳೆ. ಅಷ್ಟೇ ಆಗಿದ್ದರೆ ಅದು ಆಕೆಯ ಜೀವನೋತ್ಸಾಹ, ಮರಣ ಮುಂದೂಡುವ-ಮರೆಯುವ ಪ್ರಯತ್ನ ಎನ್ನಿಸಿ, ನಾವೂ ಚಿಯರ್‌ಅಪ್ ಎನ್ನಬಹುದಿತ್ತು. ಆದರೆ ಆಕೆ ಮಾಧ್ಯಮಗಳ ಎದುರಿಗೆ ಪದೇ ಪದೆ 'ಬಹುಶಃ ನಾನು ಕ್ಯಾಮೆರಾ ಮುಂದೆಯೇ ಸಾಯಬಹುದು' ಎಂದು ಸಾರುತ್ತಿರುವುದನ್ನು ನೋಡಿದರೆ ಈಕೆ ತಾನು ಜಾಹೀರಾತು ನೀಡುತ್ತಿರುವುದು ತಾನು ಸಾಯುವುದಕ್ಕೋ ಅಥವಾ ಭಾಗವಹಿಸುವ ಕಾರ್ಯಕ್ರಮದ ಟಿಆರ್‌ಪಿ ಹೆಚ್ಚಿಸುವುದಕ್ಕೋ ಗೊತ್ತಾಗುತ್ತಿಲ್ಲ. ಆ ರಿಯಾಲಿಟಿ ಶೋನಲ್ಲೇ ಆಕೆ ಸತ್ತರೆ (ಹಾಗಾಗದಿರಲಿ)ಅದನ್ನ ಎಷ್ಟು ಹೃದಯವಿದ್ರಾವಕವಾಗಿ ತೋರಿಸಬಹುದೆಂದು ಆ ಕಾರ್ಯಕ್ರಮದ ಆಯೋಜಕರು, ಆಗ ಹೇಗೆ ದುಃಖ ವ್ಯಕ್ತಪಡಿಸಬೇಕೆಂದು ಉಳಿದ ಸಹ ನಟರು ಅಭ್ಯಾಸ ಮಾಡಿಕೊಳ್ಳುತ್ತಿದ್ದಾರೇನೋ ಎಂಬ ಅನುಮಾನ ಬರುವಂತಿದೆ ಆಕೆಯ ಹೇಳಿಕೆ. ಆದರೆ ಆಕೆ ಸಾಯುವ ದೃಶ್ಯವನ್ನು ಮಿಸ್ ಮಾಡಿಕೊಳ್ಳಬಾರದೆಂದು ಆ ಕಾರ್ಯಕ್ರಮವನ್ನು ಜನರು ನೋಡುತ್ತಾರೆ ಎಂದು ಆಕೆ ಭಾವಿಸಿರುವುದನ್ನು ನೋಡಿದರೆ ನಿಜಕ್ಕೂ ಕನಿಕರ ಉಂಟಾಗುತ್ತದೆ, ಬಣ್ಣದ ಲೋಕದವರ ಭ್ರಮೆಗಳ ಬಗ್ಗೆ. ಕುಳಿತು ನೋಡುವ ನಮ್ಮ ಬಗ್ಗೆಯೂ.
yes , maximum in this world live in the masks and un fortunately they never realise that they have a life apart from that of the mask they are carrying .this could be one of the best examples for the slavery of instincts man has and how he enjoys being sympathised and being help less .the way u end this article is quite punching and mocking at the society .the reader needs an eye to understand it .well written keep it up.
ಪ್ರತ್ಯುತ್ತರಅಳಿಸಿ